Safonau polisi gwasanaeth
Adroddiad Monitro Safonau’r Gymraeg 2021-22
Hysbysiad Preifatrwydd
Datganiad Caffael
Datganiad CGA ar Adran 6 – y Ddyletswydd Bioamrywiaeth a Chydnerthedd Ecosystemau
Adroddiad Blynyddol ar Gydraddoldeb 2021-22
Dewiswch eich iaith
Y Cod wedi ei ddiweddaru
Rydym wedi lansio Cod Ymddygiad ac Ymarfer Proffesiynol wedi ei ddiweddaru. Mae'n berthnasol i bawb sydd wedi cofrestru gyda CGA, ac yn adlewyrchu'r disgwyliadau sy'n datblygu o ran ymarferwyr, a phwysigrwydd diogelu dysgwyr a phobl ifanc, a chynnal hyder y cyhoedd a safonau uchel. Darllen y Cod wedi ei ddiweddaru, ynghyd â'r adnoddau.
Croeso i'r flwyddyn academaidd newydd
Croeso cynnes i bawb sy'n ymuno. neu'n dychwelyd i'r gweithlu addysg ym mis Medi. Gobeithio eich bod wedi cael haf i'w gofio.
Gweld pa wasanaethau sydd gyda ni ar gael i chi fel cofrestreion.
Defnyddiwch eich Cymraeg
Gallwch gysylltu â ni trwy un o’n dulliau niferus yn Gymraeg neu Saesneg. Pa iaith bynnag y byddwch yn ei dewis, ni fydd yn effeithio mewn unrhyw ffordd ar yr ymateb a gewch. Mwy o wybodaeth am ddefnyddio eich Cymraeg yn y fideo.
Newyddion
Ar y dudalen hon, fe welwch y polisïau a’r gweithdrefnau sy’n rheoli sut rydym ni’n gweithredu ac yn bodloni ein gofynion rheoleiddio.
Llywodraethiant y cyngor
Cod Ymddygiad ac Arfer Gorau ar Gyfer Aelodau
Rheolau Sefydlog
System ar Gyfer Ethol Cadeirydd y Cyngor
Cydymffurfiaeth
Datganiad ar adran 6 – y ddyletswydd bioamrywiaeth a chydnerthedd ecosystemau
Mae’r uwch dîm rheoli yn gweithio gyda’r Cyngor pan fydd yn datblygu strategaeth ar gyfer Cyngor y Gweithlu Addysg (CGA). Nhw sy’n gyfrifol am weithgareddau’r sefydliad o ddydd i ddydd ac am ddarparu arweiniad corfforaethol.
Lisa Winstone, Prif Weithredwr dros dro
Mae Lisa yn gyfrifol am arwain a rhoi cyfeiriad strategol i’r CGA, gan weithredu yn unol â’i gyfrifoldebau statudol fel y’u nodir yn Neddf Addysg (Cymru) 2014.
Mae’n ymrwymedig i weithio gyda chofrestreion a rhanddeiliaid allweddol, gan gynnwys dysgwyr, rhieni/gwarcheidwaid, undebau llafur/cymdeithasau, cyflogwyr a Llywodraeth Cymru.
Yn rhinwedd ei swydd fel Swyddog Cyfrifyddu, hi sy’n gyfrifol am sicrhau bod CGA yn cynnig gwerth am arian i gofrestreion ac yn defnyddio’i adnoddau yn effeithlon.
Ymunodd Lisa â CGA yn 2018, yn dilyn ei rôl flaenorol fel Pennaeth Cynllunio a Dadansoddi Ariannol yn y Swyddfa Ystadegau Gwladol.
David Browne, Cyfarwyddwr Rheoleiddio
Mae David yn gyfrifol am gynnal a datblygu Cofrestr Ymarferwyr Addysg Cymru. Mae hefyd yn gyfrifol am ein swyddogaeth priodoldeb i ymarfer, ymchwilio i a gwrando achosion a atgyfeirir i CGA, yn ogystal â dadansoddi ac adrodd data, a llywodraethu data.
Ymunodd David â CGA ym mis Tachwedd 2020, gan weithio fel Pennaeth Priodoldeb i Ymarfer i ddechrau, cyn symud i'w swydd bresennol ym mis Medi 2023. Swydd flaenorol David oedd fel uwch swyddog undeb llafur gydag undeb addysgu.
Mae David yn Ddirprwy Brif Weithredwr Dros Dro.
Bethan Holliday-Stacey, Cyfarwyddwr Datblygiad Proffesiynol, Achredu a Pholisi
Bethan sy’n gyfrifol am achredu rhaglenni proffesiynol a hyrwyddo gyrfaoedd yn y proffesiwn addysg, datblygiad proffesiynol, cynllunio a chyfathrebu strategol, a datblygu polisi.
Ymunodd Bethan â Chyngor Addysgu Cyffredinol Cymru (CyngAC) yn 2000, a bu'n Rheolwr Tîm Datblygiad Proffesiynol a Chyllido o 2006, cyn symud i’w swydd bresennol yn 2018.
Kerry Price, Cyfarwyddwr Dros Dro Cyllid a Gwasanaethau Corfforaethol
Mae Kerry yn gyfrifol am gynllunio, monitro, ac adrodd ariannol, yr holl faterion llywodraethu ariannol, gan gynnwys y swyddogaeth archwilio, adnoddau dynol, a chefnogaeth gorfforaethol, a systemau gwybodaeth.
Penodwyd Kerry fel Cyfarwyddwr Cyllid a Gwasanaethau Corfforaethol dros dro o 1 Awst 2025, ar secondiad o Cymwysterau Cymru, lle mae wedi bod yn Bennaeth Cyllid ers 2015. Cyn hynny roedd ganddo uwch rolau cyllid mewn llywodraeth leol ac iechyd.
Rydym yn cyflwyno hyfforddiant a gweithdai i’n holl grwpiau cofrestredig yn ogystal â rhanddeiliaid megis llywodraethwyr, sefydliadau hyfforddi, consortia addysg rhanbarthol, a sesiynau hyfforddiant i staff. Gallwn wneud hyn yn bersonol neu’n rhithiol.
Mae ein harbenigedd yn cwmpasu amrywiaeth o themâu sy’n gysylltiedig â’n gwaith, megis:
- Cod Ymddygiad ac Ymarfer Proffesiynol CGA
- defnyddio cyfryngau cymdeithasol yn gyfrifol
- cyfrifoldebau a moeseg proffesiynol
- Pasbort Dysgu Proffesiynol
Gallwn hefyd gymryd rhan mewn areithiau mewn cynadleddau a sesiynau panel, a mynychu marchnadle eich digwyddiad.
Os hoffech i ni fod yn rhan o'ch digwyddiad neu i gyflwyno sesiwn i'ch sefydliad, cwblewch y ffurflen hon.
Rydym wedi ein hymrwymo i ddarparu'r safonau uchaf o wasanaeth ar gyfer ein cofrestreion, rhanddeiliaid, a'r cyhoedd. Ymdrechwn i ddarparu proses hygyrch a thryloyw ar gyfer ymchwilio i gwynion am ein gwasanaeth, ac rydym yn anelu at ymateb i achwynwyr cyn gynted ag sy'n bosibl.
Rydym yn croesawu eich adborth, gan ei fod yn ein helpu i wella ein gwasanaeth ac i sicrhau na fydd problemau'n codi eto yn y dyfodol.
Adborth
Os hoffech roi adborth ar unrhyw un o'n gwasanaethau, anfonwch
Cwynion
Rydym yn delio â phob cwyn yn ddifrifol ac yn anelu at ymateb cyn gynted â phosibl.
Gallwch ddarllen mwy am y math o gwynion y byddwn yn eu hystyried, sut i gwyno a'n prosesau yn ein dogfen safonau gwasanaeth.
Priodoldeb i ymarfer
Os hoffech wneud cwyn ynghylch priodoldeb i ymarfer, dylech ddarllen canllaw cwynion priodoldeb i ymarfer yn gyntaf. Mae’n gosod pryd, a sut gallwch wneud cwyn o ran ein prosesau priodoldeb i ymarfer.