Mae eich Pasbort Dysgu Proffesiynol (PDP) yn fwy na dim ond lle i gofnodi eich DPP. Gall fod yn adnodd pwerus hefyd i greu portffolio personol sy’n arddangos eich sgiliau a’u cyflawniadau.

Fe wnaeth ein gweminar am ddim dangos sut gallwch chi, gan ddefnyddio’r PDP, wneud y canlynol:

• llwytho a threfnu eich profiadau a’ch cymwysterau yn effeithiol
• plannu cynnwys aml-gyfrwng o blatfformau fel YouTube a Canva
• cysylltu eich portffolio â’ch CV, ceisiadau am swyddi, a chofnodion datblygiad proffesiynol
• dylunio tudalennau proffesiynol yr olwg i’ch hyrwyddo chi a’ch gwaith
• rhannu eich portffolio gyda chyflogwyr a rhanddeiliaid

Gwyliwch recordiad o'r digwyddiad.

13 Mai 2025, 10:00-11:15, ar Zoom, digwyddiad am ddim

Am y tro cyntaf, rydym yn rhannu ein gwybodaeth a’n cipolygon o fwy na 25 mlynedd o waith rheoleiddio, gan ddefnyddio’n profiad o fwy na 5,000 o achosion.

Nod y digwyddiad hwn yw cynorthwyo uwch arweinwyr, cyflogwyr, asiantaethau cyflenwi a llywodraethwyr i ennill cipolwg gwell i’n gwaith a sicrhau gwybodaeth a fydd yn helpu gyda rhyngweithiadau yn y dyfodol â CGA, ac atgyfeiriadau atom.

Yn y digwyddiad newydd sbon hwn, byddwn yn rhoi cyfle i chi:

• ddysgu o enghreifftiau go iawn sy’n rhychwantu 25 mlynedd, bob un ohonynt yn amlygu arfer da neu arfer drwg i fynychwyr fyfyrio arnynt ac er datblygiad mynychwyr
• cael eich tywys trwy broses benderfynu CGA o ran priodoldeb i ymarfer, atal dros dro ac asesiadau addasrwydd i gofrestru, gan eich helpu i sicrhau dealltwriaeth fanylach o sut gwneir penderfyniad ar y canlyniad
• cael gwybodaeth berthnasol a defnyddiol i’ch cynorthwyo ag unrhyw ymchwiliadau yn y dyfodol, a rhyngweithio â CGA
• clywed manylion am newidiadau i’n deddfwriaeth a Chod Ymddygiad ac Ymarfer Proffesiynol diwygiedig
• gofyn cwestiynau am eich cyfrifoldeb i atgyfeirio atom ni

Mae’r digwyddiad hwn, sydd am ddim, yn hanfodol i uwch arweinwyr ar draws addysg, cyflogwyr, asiantaethau cyflenwi a llywodraethwyr.

Peidiwch â cholli’r cyfle, cadwch eich lle nawr.

Yn y weminar hon, byddwn ni’n archwilio’r gwasanaethau a gynigir gan Addysgwyr Cymru a sut gallant fod o fudd i chi fel cofrestrai CGA.

Mae Addysgwyr Cymru, sy’n cael ei ariannu gan Lywodraeth Cymru a’i gyflwyno gan Gyngor y Gweithlu Addysg (CGA), yn cynnig ystod o wasanaethau sy’n dod â chyfleoedd gyrfaoedd, hyfforddiant a swyddi at ei gilydd o fewn y sector addysg yng Nghymru mewn un lleoliad, y gellir mynd ato’n hawdd.

Felly, p’un a ydych chi’n gofrestrai newydd neu eisoes yn gofrestrai, mae’r weminar hon yn gyfle gwych i chi ddyfnhau eich dealltwriaeth o’r gwasanaeth gwerthfawr hwn a gweld sut gall eich helpu i dyfu’n broffesiynol.

Yn y sesiwn fer a difyr hon, byddwch chi’n dysgu am y canlynol:

• y manteision a gynigir wrth ddefnyddio platfform Addysgwyr Cymru
• y gwasanaethau sydd ar gael yn rhad ac am ddim, yn cynnwys y porth swyddi, cyfleoedd i hyfforddi, a chymorth ar gyfer cael gwaith
• sut gall tîm Addysgwyr Cymru ddarparu cyngor cyffredinol am yrfaoedd mewn addysg, sydd wedi’i deilwra i’ch anghenion
• y ffyrdd gorau o gysylltu â’r tîm a manteisio ar gymorth

Gallwch wylio’r weminar nawr trwy sianel YouTube CGA.

P'un a eich bod yn newydd i'r gweithlu addysg, neu wedi'ch cofrestru ers amser maith, bwriad y weminar oedd rhoi trosolwg cynhwysfawr i chi o'n Cod Ymddygiad ac Ymarfer Proffesiynol.

Yn yr ail o'n cyfres o weminarau Eich CGA, fe wnaethom:

• trafod diben y Cod a'r pum prif egwyddor
• rhoi esiamplau go-iawn o achosion lle gwnaeth cofrestreion fethu â chydymffurfio â'r Cod
• amlygu a'ch arwain at y canllawiau a'r adnoddau sydd gyda ni ar gael i'ch cefnogi chi i i gynnal y safonau a ddisgwylir gennych

Roedd y digwyddiad yn cynnwys sesiwn holi ac ateb ar y diwedd.

Gwylio recordiad o'r digwyddiad.