Dyddiad cyhoeddi: 30 Medi 2026

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol 22-24 Medi 2026, wedi canfod bod honiad o ymddygiad proffesiynol annerbyniol wedi ei brofi yn erbyn athro ysgol a weithiwr cymorth dysgu, Shon Rowcliffe.

Canfu'r Pwyllgor Priodoldeb i Ymarfer bod yr honiadau canlynol wedi eu profi, tra fod Mr Rowcliffe wedi ei gyflogi fel athro ysgol yn Ysgol Bro Preseli:

1. Ar neu o gwmpas 11 Mai 2024, tra'n gyfrifol am un neu fwy o ddisgyblion ar drip ysgol a bod ym mhresenoldeb un neu fwy o ddisgyblion ar drip ysgol ei fod:
   1. o dan ddylanwad alcohol i'r fath raddau nad oedd yn briodol iddo fod â chyfrifoldeb dros un neuu fwy o ddisgyblion
   2. wedi bwrw a/neu slapio disgybl A ar draws eu brest
   3. ar un neu fwy achlysur wedi rhegi a defnyddio iaith anweddus
   4. wedi codi ei fys canol

Rhoddodd y Pwyllgor Priodoldeb i Ymarfer Orchymyn Gwahardd (heb amodau) ar gofrestriad Mr Rowcliffe fel athro ysgol a gweithiwr cymorth dysgu ysgol am gyfnod o ddwy flynedd (rhwng 24 Medi 2026 a 24 Medi 2028). O'r herwydd ni fydd Mr Rowcliffe yn gallu gweithio fel person cofrestredig (athro ysgol a/neu gweithiwr cymorth dysgu ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Gorchymyn.

Mae gan Mr Rowcliffe yr hawl i apelio i'r Uchel Lys o fewn 28 diwrnod. 

Dyddiad cyhoeddi: 29 Medi 2026

Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 7 i 9 Gorffennaf 2026, 23 Gorffennaf 2026 ac 16 Medi 2026, wedi canfod bod honiad o ‘ymddygiad proffesiynol annerbyniol’ wedi’i brofi yn erbyn yr athrawes ysgol annibynnol, Janet Brackenbury.      

Canfu’r Pwyllgor, rhwng mis Mai a mis Medi 2023, tra oedd yn cael ei chyflogi fel Athrawes Feithrin yn Ysgol Nant-y-Cwm Steiner, fod Ms Brackenbury:

1. heb gefnogi’r Ysgol i gynnal ei chyfrifoldebau diogelu, yn yr ystyr:
   1. ar neu o gwmpas 1 Mehefin 2023, mewn neges e-bost at Dîm Diogelu Sir Benfro, eu bod wedi camliwio’r sefyllfa a/neu heb ddarparu’r holl wybodaeth ynglŷn â’r penderfyniad i wahardd Disgybl A o’r daith ysgol, yn yr ystyr eu bod wedi dweud “fel Tîm Rheoli, teimlwn fod yr ymateb yn anghymesur” a/neu fod Tîm Rheoli’r Ysgol eisiau cynorthwyo Disgybl A i fynd ar y daith, a oedd yn anghywir
   2. rhwng mis Mai a mis Medi 2023, eu bod wedi parhau i herio a/neu amau’r penderfyniad i wahardd Disgybl A o’r daith ysgol ar ôl iddo gael ei wneud a/neu ei gadarnhau
2. heb gynnal perthynas broffesiynol a/neu barchus gydag un neu fwy o gydweithwyr, yn yr ystyr:
   1. ar neu o gwmpas 17 Mehefin 2023, mewn neges e-bost at yr Ysgol Golegaidd ynglŷn â’r pederfyniad i wahardd Disgybl A o’r daith ysgol, dywedasant fod “datrysiadau wedi’u cynnig i gynorthwyo [Cydweithiwr A] ar y daith, ond fe’u gwrthododd a llesteiriodd unrhyw bosibilrwydd o ddatrys y sefyllfa”
   2. ar neu o gwmpas 29 Gorffennaf 2023, eu bod wedi anfon neges e-bost at staff yr Ysgol yn datgan eu bod yn cytuno â neges e-bost gan Gydweithiwr C a oedd yn beirniadu Cydweithiwr A ynglŷn â’r penderfyniad i wahardd Disgybl A o’r daith ysgol, a bod ganddynt “fwy i ychwanegu” ati
   3. ar neu o gwmpas 19 Medi 2023, mewn neges e-bost at Gydweithiwr B, eu bod wedi datgan bod “[Cydweithiwr A] wedi llesteirio unrhyw ymdrechion rhesymol i geisio cynnwys [Disgybl A] ar y daith a bellach yn llesteirio fy ngallu i weithredu’n llawn”

Wrth wneud y canfyddiadau uchod, penderfynodd y Pwyllgor hefyd fod ymddygiad Ms Brackenbury ym mharagraff 1(a) uchod yn anonest ac yn dangos diffyg unplygrwydd. 

Gosododd y Pwyllgor Priodoldeb i Ymarfer Gerydd ar gofrestriad Ms Brackenbury fel athrawes ysgol annibynnol am gyfnod o 2 flynedd (o 16 Medi 2026 tan 16 Medi 2028). Fel y cyfryw, bydd Ms Brackenbury yn gallu gweithio fel athrawes ysgol annibynnol mewn ysgol annibynnol yng Nghymru neu i ysgol annibynnol yng Nghymru ar hyd cyfnod y Cerydd.

Mae gan Ms Brackenbury hawl i apelio i’r Uchel Lys o fewn 28 niwrnod. 

Dyddiad cyhoeddi: 14 Awst 2026

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 6 Awst 2026 , wedi canfod bod honiad o drosedd berthnasol wedi ei brofi yn erbyn gweithiwr cymorth dysgu, Rhian Thomas-Dyson.

Canfu'r Pwyllgor Priodoldeb i Ymarfer bod yr holiadau canlynol wedi eu profi, tra ei bod wedi ei chofrestru gyda Chyngor y Gweithlu Addysg, fe wnaeth Mrs Thomas-Dyson:

1. ar 22 Tachwedd 2023, cafodd ei chael yn euog yn Llys yr Ynadon Llanelli am:
   1. ddifrod troseddol i eiddo ar 11 Mai 2023 gyda gwerth yn llai na £5,000, yn erbyn adrannau 1(1) a 4 Deddf Difrod Troseddol 1971. O ganlyniad i i'r drosedd hon, ar 22 Tachwedd 2023, fe roddwyd dedfryd iddi o Orchymyn Cymunedol gyda Gofyniad Gweithgarwch Adfer a gorchymyn i dalu iawndal o £200.
   2. ymosod drwy guro ar 11 Mai 2023, yn erbyn adran 39 Deddf Cyfiawnder Troseddol 1988. O ganlyniad i i'r drosedd hon, ar 22 Tachwedd 2023, fe roddwyd dedfryd iddi o Orchymyn Cymunedol gyda Gofyniad Gweithgarwch Adfer, gorchymyn atal - diogelu rhag aflonyddu, a dirwy o £40, a gorchymyn i dalu iawndal o £50.

Rhoddodd y Pwyllgor Priodoldeb i Ymarfer Gerydd ar gofrestriad Mrs Thomas-Dyson fel gweithiwr cymorth dysgu ysgol am gyfnod o 2 flynedd (rhwng 6 Awst 2026 a 6 Awst 2028). O'r herwydd bydd Mrs Thomas-Dyson yn gallu gweithio fel person cofrestredig (gweithiwr cymorth dysgu ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.

Mae gan Mrs Thomas-Dyson yr hawl i apelio i'r Uchel Lys o fewn 28 diwrnod.

Dyddiad cyhoeddi: 27 Gorffennaf 2026

Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 13, 14, 15, 16 a 17 Gorffennaf 2026, wedi canfod bod honiad o ‘ymddygiad proffesiynol annerbyniol’ wedi’i brofi yn erbyn y gweithiwr cymorth dysgu mewn ysgol, Claire Townsend.

Canfu’r Pwyllgor Priodoldeb i Ymarfer fod yr honiadau canlynol wedi’u profi, sef, tra oedd yn cael ei chyflogi yn Ysgol Uwchradd Willows, bod Ms Townsend:

1. rhwng oddeutu 16 Gorffennaf 2024 ac oddeutu 12 Awst 2024, heb gynnal ffiniau proffesiynol gyda disgyblion, yn yr ystyr:
   1. ar neu o gwmpas 16 Gorffennaf 2024, ei bod wedi rhoi ei rhif ffôn symudol personol i Ddisgybl A fel y gallai ychwanegu Ms Townsend at sgwrs grŵp WhatsApp a oedd yn cynnwys disgyblion (“y sgwrs grŵp”)
   2. ei bod wedi aros yn y sgwrs grŵp tan oddeutu 12 Awst 2024, sef ar ôl i’w rheswm honedig dros ymuno â’r sgwrs grŵp ddod i ben
   3. ei bod wedi anfon un neu fwy o negeseuon yn y sgwrs grŵp a orffennodd gyda “x” neu “xx”
   4. ei bod wedi anfon un neu fwy o negeseuon yn y sgwrs grŵp y tu allan i’r tymor a chyda’r nos
   5. wrth ymateb i neges gan ddisgybl a oedd yn dweud “Dwi’n cyffwrdd â fy hun”, ei bod wedi anfon neges yn dweud, “Dwi yma, bois, ond o ddifri’, dwi ddim yn mynd i gymryd unrhyw un o’ch negeseuon o chwith. Dwi’n gwybod mai dim ond cellwair ac ati ydyw … ac a bod yn onest [Enw wedi’i guddio’] mae’n rhaid i rywun ei wneud!”
   6. wrth ymateb i neges gan ddisgybl (a ddilëwyd ers hynny), ei bod wedi anfon neges yn dweud, “Dwi yma o hyd, bois!! A bod yn onest, dwi ddim yn deall 80% o beth ry’ch chi’n ei anfon, fydda’ i ddim yn cymryd unrhyw beth o chwith, felly ewch ymlaen fel rydych chi ac fe wylia i!!!!x”
   7. ei bod wedi rhannu gwybodaeth yn y sgwrs grŵp ynglŷn â symudiadau dosbarth pan oedd yn gwybod, neu y dylai fod wedi gwybod yn rhesymol, y dylai’r wybodaeth hon gael ei rhannu mewn modd sensitif a/neu gan y Pennaeth Blwyddyn neu’r Dirprwy Bennaeth
2. ar ôl arsylwi negeseuon/cynnwys amhriodol a bostiwyd gan ddisgyblion i’r sgwrs grŵp, heb roi gwybod i Bennaeth yr Ysgol a/neu’r Arweinydd Diogelu Dynodedig:
   1. y bu’n rhan o sgwrs grŵp gyda disgyblion gan ddefnyddio ei rhif personol
   2. bod negeseuon amhriodol wedi cael eu rhannu gan ddisgyblion yn y sgwrs grŵp
3. ar neu o gwmpas 16 Tachwedd 2023, yn ystod dosbarth addysg rhyw, wedi rhannu manylion am ei hanes personol pan nad oedd hynny’n briodol nac yn angenrheidiol

Ar ôl gwneud y canfyddiadau hyn, penderfynodd y Pwyllgor hefyd fod ymddygiad Ms Townsend ym mharagraffau 1(a) i 1(f) a 2 uchod yn groes i Hyfforddiant Diogelu’r Ysgol a Pholisi Amddiffyn Plant yr Ysgol.

Gosododd y Pwyllgor Priodoldeb i Ymarfer Gerydd ar gofrestriad Ms Townsend fel gweithiwr cymorth dysgu mewn ysgol am gyfnod o 2 flynedd (o 17 Gorffennaf 2026 tan 17 Gorffennaf 2028). Fel y cyfryw, bydd Ms Townsend yn gallu gweithio fel cofrestrai (gweithiwr cymorth dysgu mewn ysgol) mewn ysgol a gynhelir neu ysgol arbennig nas cynhelir yng Nghymru ar hyd cyfnod y cerydd.

Mae gan Ms Townsend hawl i apelio i’r Uchel Lys o fewn 28 niwrnod.